GUJARAT

શૂટિંગ માટે કોરોના પ્રોટોકોલનો ભંગ, અભિનેતા જિમી શેરગિલની ધરપકડ

 583 Total Views

– પંજાબી ફિલ્મના શૂટિંગ દરમિયાન અનેક લોકો માસ્ક વગર ઝડપાયા

નવી દિલ્હી, તા. 28 એપ્રિલ, 2021, બુધવાર

અભિનેતા જિમી શેરગિલની કોરોના ગાઈડલાઈનના ઉલ્લંઘનના આરોપસર બુધવારે પંજાબના લુધિયાણા ખાતેથી ધરપકડ કરવામાં આવી છે. જિમી શેરગિલ પર શૂટિંગ દરમિયાન સોશિયલ ડિસ્ટન્સિંગની સાથે-સાથે અન્ય નિયમોનું ઘોર ઉલ્લંઘન કર્યું હોવાનો આરોપ છે.

લુધિયાણાની આર્ય સ્કુલમાં એક પંજાબી ફિલ્મનું શૂટિંગ ચાલી રહ્યું હતું જેથી પાર્કિંગમાં અનેક ફોર વ્હીલર્સનો મેળાવડો જામ્યો હતો. આ અંગે જાણ થતા જ પોલીસે ઘટના સ્થળે પહોંચીને શૂટિંગ અટકાવી દીધું હતું. ફિલ્મના ડિરેક્ટરે તેમને મંજૂરીના કાગળ દેખાડ્યા હતા. જો કે, પોલીસે સોશિયલ ડિસ્ટન્સિંગનું પાલન ન કરવાના આરોપસર ડિરેક્ટર સહિત 2 લોકોને 2-2 હજાર રૂપિયાનો દંડ ફટકાર્યો હતો.

પોલીસ પહોંચી તે સમયે અનેક લોકોએ માસ્ક નહોતું પહેરેલું. પોલીસને જોઈને ત્યાં ઉપસ્થિત લોકોએ માસ્ક પહેરી લીધું હતું અને જેમના પાસે માસ્ક નહોતું તેમણે રૂમાલ કે જે કાપડ મળે તેના વડે મોઢું ઢાંકી લીધું હતું.

Leave a Reply

Your email address will not be published.