India

કૃષિ બિલો સામે દેશભરમાં ખેડૂતોના વિરોધ પ્રદર્શનથી કેન્દ્ર સરકાર મુશ્કેલીમાં મૂકાઈ છે…

 890 Total Views

કૃષિ બિલો સામે દેશભરમાં ખેડૂતોના વિરોધ પ્રદર્શનથી કેન્દ્ર સરકાર મુશ્કેલીમાં મૂકાઈ છે. શાસક પક્ષ વિરોધી પક્ષો પર સતત બિલની જોગવાઈઓ અંગે ખેડૂતોમાં અસમંજસ પેદા કરવાનો આરોપ લગાવી રહ્યું છે. મીડિયા સાથે વાત કરતા કેન્દ્રીય મંત્રી જિતેન્દ્રસિંહ તોમારે ફરી એક વખત વિરોધી પક્ષો ખાસ કરીને કોંગ્રેસ પાર્ટી પર નિશાન સાંધ્યું હતું. તેમણે ભારપૂર્વક જણાવ્યું હતું કે તેઓ બિલની જોગવાઈઓ પર અડધી રાતે કોઈપણ ખેડૂત સાથે વાત કરવા તૈયાર છે.

આપને જણાવી દઇએ કે સંસદના બંને ગૃહોમાં કૃષિ બિલ પસાર કરવામાં આવ્યા છે. આ અંગે પંજાબ અને હરિયાણાના ખેડૂતોએ ઉગ્ર વિરોધ કર્યો. આજે ખેડૂત સંગઠનોએ વટહુકમો સામે દેશવ્યાપી હડતાલની હાકલ કરી છે. દરમ્યાન કેન્દ્ર સરકાર કૃષિ બિલને ખેડૂત મૈત્રીપૂર્ણ સાબિત કરવા માટે સતત પ્રયાસ કરી રહ્યું છે. ગુરુવારે એક પ્રેસ કોન્ફરન્સમાં કેન્દ્રીય મંત્રી જિતેન્દ્રસિંહ તોમરે ખેડૂતોના કલ્યાણ માટે મોદી સરકારની પ્રતિબદ્ધતાને દોહરાવી હતી અને કહ્યું હતું કે નવા નિયમોથી ખેડૂતોને તેમની મહેનત માટે યોગ્ય વળતર મળશે.

ખેડૂત સાથે વાત કરવા તૈયાર છે: તોમર

તોમરે કહ્યું કે સરકાર હંમેશાં ખેડૂતો સાથે વાત કરવા તૈયાર છે. જો કોઈ ખેડૂત અડધી રાતે પણ સરકારના કોઈપણ પ્રતિનિધિ સાથે વાત કરવા માંગતો હોય તો અમે તૈયાર છીએ. તેમણે આ સમયગાળા દરમ્યાન વિરોધી પક્ષો પર નિશાન સાંધ્યું હતું. તેમણે કોંગ્રેસ પર ખાસ નિશાન સાધતા કહ્યું હતું કે રાહુલ ગાંધીએ વર્ષ 2019ના ચૂંટણી ઢંઢેરામાં જે લખ્યું હતું તે મોદી સરકારે કર્યું છે. તેમણે તેને કોંગ્રેસનો બેવડો ચહેરો ગણાવ્યો.

તોમરે દાવો કર્યો હતો કે બિલ પર ચર્ચા દરમ્યાન કોઈ પણ સભ્ય એ વટહુકમની જોગવાઈઓનો વિરોધ કર્યો નહોતો. તેમના ભાષણમાં એ બાબત પર કેન્દ્રિત રહ્યું હતું કે જે બિલમાં નથી, જે બિલમાં હોઈ શકતું નથી, જે બિલ સાથે સંબંધિત હોઈ શકતું નથી. તેના પરથી એ સાબિત થાય છે કે બિલની જોગવાઈઓ ખેડૂત હિતેષી છે.

Leave a Reply

Your email address will not be published.