GUJARAT

Corona Vaccination : રાજકોટના યુવાનોમાં મતદાન કરતાં પણ વેક્સિન માટે જબરજસ્ત ઉત્સાહ, અમદાવાદમાં રજિસ્ટ્રેશનમાં તકલીફ

 821 Total Views

રાજકોટમાં 18 વર્ષથી ઉપરના યુવકોને કોરોનાની રસી આપવાની શરૂઆત, યુવનોમાં જબરજસ્ત ઉત્સાહ. રાજકોટના રૈયા રોડ પર આવેલા પ્રમુખસ્વામી ઓડિટોરિયમની બહાર 500 જેટલા યુવાનો વેક્સિન લેવા માટે લાઈનોમાં જોવા મળ્યા હતા.

રાજકોટઃ ગુજરાતના 10 શહેરોમાં આજથી 18 વર્ષથી ઉપરના યુવાનોને રસી આપવાનું શરૂ કરવામાં આવ્યું છે. ત્યારે રાજકોટમાં વેક્સિનને લઈને યુવાનોમાં જબરજસ્ત ઉત્સાહ જોવા મળી રહ્યો છે.

રાજકોટના રૈયા રોડ પર આવેલા પ્રમુખસ્વામી ઓડિટોરિયમની બહાર 500 જેટલા યુવાનો વેક્સિન લેવા માટે લાઈનોમાં જોવા મળ્યા હતા. મતદાન કરતાં પણ વેક્સિન લેવા માટે યુવાનોમાં જબરજસ્ત ઉત્સાહ જોવા મળી રહ્યો છે.

બીજી તરફ અમદાવાદના એક સેન્ટર પર યુવાનોની લાઇન લાગી હતી. જોકે, આ યુવાનોને રજિસ્ટ્રેશન કરાવ્યા પછી તેમનું રજિસ્ટ્રેશન કેન્સલ થઈ ગયું હોવાની ફરિયાદ કરી હતી.

કચ્છ જિલ્લામાં આજે 5 તાલુકામાં 18થી 45 વર્ષની ઉંમરની વ્યક્તિને રસી આપવાની પ્રક્રિયા હાથ ધરાશે. જિલ્લામાં પૂર્વ કચ્છના 2 અને પશ્ચિમ કચ્છના 3 તાલુકામાં આજે 18થી 45 વર્ષની વયની તમામ વ્યક્તિઓને કોવિડ19ની રશી આપવામાં આવશે. પૂર્વ કચ્છમાં ભચાઉ સી.એચ.સી,આધોઇ પી.એચ.સી.ગાંધીધામ રામબાગ એસ.ડી.એચ, અદિપુરમાં યુ.એચ.સી માં વેકસીન આપવામાં આવશે.

પશ્ચિમ કચ્છમાં ભુજ વ્યાયામશાળા યુ.એચ.સી,માધાપર પી.એચ.સી. માંડવી એસ.ડી.એસી. તલવાણા પી.એચ.સી. નખત્રાણા સી.એચ.સી.વિથોન પી.એચ.સીમાં વેક્સિન આપવામાં આવશે.

આજે ગુજરાત રાજ્યના સ્થાપના દિવસ છે અને આજથી રાજ્યના કોરોનાનું વધુ સંક્રમણ ધરાવતા 10 જિલ્લાઓમાં 18 વર્ષથી વધુ વયના તમામ લોકોને વેક્સિન અપાશે. ગુજરાત સહિત દેશભરમાં આજથી 18 વર્ષથી વધુ ઉંમરના તમામ લોકોને વેક્સિન આપવાની કામગીરી શરૂ કરાશે. જે અંતગર્ત પ્રધાનમંત્રી નરેન્દ્ર મોદી અને કેન્દ્ર સરકારની મદદથી ગુજરાતમાં આજથી યુવાનોના વેક્સિનેશનનો આરંભ થઈ રહ્યો છે. અમદાવાદ, સુરત, વડોદરા, રાજકોટ, ભાવનગર, જામનગર, કચ્છ, મહેસાણા, ભરૂચ અને ગાંધીનગરમાં યુવાનોને આજથી વિનામૂલ્યે વેક્સિન અપાશે. આ માટે તમામ લોકોએ cowin.gov.in પોર્ટલ પર રજીસ્ટ્રેશન કરાવવું પડશે.

આ 10 જિલ્લામાં રસી અપાશે

કચ્છ
મહેસાણા
ગાંધીનગર
ભરૂચ
રાજકોટ
જામનગર
અમદાવાદ
સુરત
વડોદરા
ભાવનગર

Leave a Reply

Your email address will not be published.