GUJARAT

ગુજરાતમાં આજથી વધુ એક જગ્યાએ ડ્રાઈવ-થ્રુ-વેક્સિનેશન ડ્રાઈવ શરૂ, સવારથી જ રસી લેવા માટે કારની લાગી લાંબી લાઈન

 1,221 Total Views

સરકાર દ્વારા લેવાયેલા નિર્ણય મુજબ, 45 થી વધુ વયના નાગરિકોને હવે કોવિશિલ્ડ રસી આપવામાં આવશે.

મુંબઈ, કચ્છ બાદ હવે અમદાવાદમાં શરૂ થયેલા ડ્રાઈવ થ્રુ વેક્સિનેશનને સારો પ્રતિસાદ મળ્યો છે.અને આજથી અમદાવાદમાં વધુ એક ડ્રાઈવ થ્રુ વેક્સિનેશન સેન્ટર શરૂ થયુ છે. મેમનગર-ગુરુકુળ ખાતેની ડ્રાઈવ ઈન સિનેમા આગળ સવારે 9 વાગ્યાથી સાંજના 5 વાગ્યા સુધી હાથ ધરાશે રસીકરણ પ્રક્રિયા. જેમાં 45 વર્ષથી મોટી ઉંમરના લોકોને રસી આપવામાં આવશે. નાગરિકો પોતાના વાહનમાં, ટેક્સી કે રીક્ષામાં સ્થળ પર રજિસ્ટ્રેશન કરાવી લઈ શકશે કોરોનાની વેક્સીન. સ્થળ પર જ રજીસ્ટ્રેશન બાદ કારમાં બેઠા બેઠા રસી આપવામાં આવી રહી છે. સવારથી અહીં પણ વેક્સિનેશન માટે લોકો પહોચેલા જોવા મળ્યા.

આ પહેલા પણ, AMC એ નારણપુરા સ્ટેડિયમમાં ડ્રાઈવ-થ્રુ રસીકરણ પ્રોજેક્ટ શરુ કર્યો હતો. જેને સારો પ્રતિસાદ મળ્યા બાદ હવે આ નવા સેન્ટર પર ડ્રાઈવ થ્રુ વેક્સિનની સગવડ ઊભી કરવામાં આવી છે. સરકાર દ્વારા લેવાયેલા નિર્ણય મુજબ, 45 થી વધુ વયના નાગરિકોને હવે કોવિશિલ્ડ રસી આપવામાં આવશે.

નોંધનીય છે કે, ગઈકાલે રાજ્યમાં કોરોના વાયરસના નવા 11,084 કેસ નોંધાયા હતા. જેની સામે 14,770 લોકોએ કોરોનાને મ્હાત આપી છે. ગઈકાલે કોરોના સંક્રમણના કારણે 121 લોકોના મોત થયા છે. આ સાથે જ કુલ મૃત્યુઆંક 8394 પર પહોચ્યો છે.

રાજ્યમાં ગઈકાલે 14770 લોકોએ કોરોનાને મ્હાત આપી છે. તેની સાથે અત્યાર સુધી 5,33,004 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યામાં પણ ઘટાડો આવ્યો છે. રાજ્યમાં હાલ એક્ટિવ કેસનો આંકડો 1,39,614 પર પહોંચ્યો છે. જેમાંથી 786 લોકો વેન્ટિલેટર પર અને 1,38,828 લોકો સ્ટેબલ છે. રાજ્યમાં કોરોનાથી રિકવરી રેટ 78.27 ટકા છે.

Leave a Reply

Your email address will not be published.