Bollywood

ડિપ્રેશનનો ભોગ બનેલા આ અભિનેતાએ અચાનક છોડ્યુ સોશિયલ મીડિયા, પ્રશંસકો ચિંતાતુર

 670 Total Views

અભિનેતા સુશાંત સિંહ રાજપૂતની આત્મહત્યા બાદ ફિલ્મ અને ટીવી ઇન્ડસ્ટ્રીમાં ડિપ્રેશનને લઈને ઘણી ચર્ચાઓ ચાલી રહી છે. દરમિયાન, તાજેતરમાં જ એક ટીવી એક્ટરે ખુલાસો કર્યો હતો કે તે લોકડાઉન દરમિયાન ડિપ્રેશનનો શિકાર બની ગયો હતો. તેની પોસ્ટ પછી, અભિનેતાએ અચાનક જ સોશિયલ મીડિયાને અલવીદા કહી દીધુ છે.

‘કસૌટિ જિંદગી કી 2’માં અનુરાગ બાસુની ભૂમિકા નિભાવનાર અભિનેતા પાર્થ સમથાને એક પોસ્ટ લખીને આ વાતનો ખુલાસો કર્યો હતો. તેણે કહ્યું કે લોકડાઉન દરમિયાન શૂટિંગ બંધ કરાયું હતું અને તે ઘરે જ હતો. તેના મનમાં ઘણા નકારાત્મક વિચારો આવી રહ્યા હતા અને તેના કારણે તે ખૂબ જ અસ્વસ્થ થઈ ગયો હતો. ઇન્સ્ટા સ્ટોરી પર પાર્થે કહ્યું કે સોશિયલ મીડિયાને થોડા સમય માટે અલવિદા કહી રહ્યો છુ.

ઘરની બાલ્કનીમાંથી ખેંચેલી તસવીર સાથે પાર્થ લખે છે કે ‘હું થોડા સમય માટે સોશિયલ મીડિયાથી દૂર જઈ રહ્યો છું. ફરી મળીશું પાર્થના ચાહકો આ પોસ્ટ પર વિવિધ પ્રતિક્રિયા આપી રહ્યા છે.

આ અગાઉ, ઇન્સ્ટાગ્રામ પર એક પોસ્ટ શેર કરતા પાર્થ સમથાને લખ્યું છે કે, ‘હું મારા મિત્રો, ચાહકો અને તમામ પ્રેમાળ લોકોનો આભારી છું કે જેમણે મને સકારાત્મક અને સારા વ્યક્તિ બનવામાં મદદ કરી. ખુબ ખુબ આભાર. ‘ તેણે કેપ્શનમાં લખ્યું, ‘હા, લોકડાઉન દરમિયાન ડિપ્રેશન અને દુ:ખની ક્ષણો આવી હતી, પરંતુ આ તે ક્ષણો છે જે આપણને મજબૂત બનાવે છે અને આગળ વધવામાં મદદ કરે છે, જેથી એક દિવસ જ્યારે આ કોરોના સમાપ્ત થઈ જશે આપણે ફરીથી આપણી દુનિયામાં હસતા ખેલતા રહી જશુ.

વિકાસ ગુપ્તાએ પાર્થ સમથાન અને પ્રિયંક શર્મા પર બ્લેકમેલ કરવાનો આરોપ લગાવ્યો હતો. વિકાસે એક ટ્વિટમાં લખ્યું કે, ‘હવેથી મને બ્લેકમેઇલ કરવામાં આવશે નહીં. પ્રિયંક શર્મા, પાર્થ સમથન મને દબાણ કરવા બદલ બંનેનો આભાર તમે જે કર્યુ તેનાથી સત્ય બહાર આવ્યુ.

Leave a Reply

Your email address will not be published.