GUJARAT

MPના વિદિશામાં કોરોના વિસ્ફોટઃ કુંભથી પરત આવેલા 61 પૈકીના 60 શ્રદ્ધાળુઓને કોરોના

 698 Total Views

નવી દિલ્હી, તા. 30 એપ્રિલ, 2021, શુક્રવાર

– કુંભ દરમિયાન અનેક લોકો કોરોના સંક્રમિત થયા અને અનેક સાધુ સંતોના મોત પણ થયા

હરિદ્વાર કુંભ બાદ ઠેકઠેકાણે કોરોના વિસ્ફોટ શરૂ થઈ ગયો છે. મધ્ય પ્રદેશના વિદિશામાં કુંભથી પરત આવેલા 83 શ્રદ્ધાળુઓમાંથી 60નો રિપોર્ટ પોઝિટિવ આવ્યો છે જ્યારે 22 શ્રદ્ધાળુઓ અંગે કોઈ જાણકારી નથી મળી રહી. આ સમગ્ર બનાવ વિદિશા જિલ્લા મુખ્યાલયથી 40 કિમી દૂર આવેલા ગ્યારસપુરનો છે.

વિદિશા જિલ્લા પ્રશાસનના અહેવાલ પ્રમાણે 83 તીર્થયાત્રીઓ 3 અલગ-અલગ બસોમાં બેસીને 11થી 15 એપ્રિલ દરમિયાન હરિદ્વાર જવા રવાના થયા હતા. કુંભ ગયેલા તમામ લોકોની ઓળખ મેળવીને તેમનું પરીક્ષણ કરવામાં આવ્યું હતું. સ્વાસ્થ્ય વિભાગના અહેવાલ પ્રમાણે હરિદ્વાર ગયેલા 83 શ્રદ્ધાળુ પૈકી માત્ર 61ની જ જાણકારી મળી શકી છે અને તેમાંથી 60 કોરોના સંક્રમિત આવ્યા છે.

કુંભથી પરત આવેલા શ્રદ્ધાળુઓમાં કોરોના પોઝિટિવ આવેલા 60 પૈકીના 5ની સ્થિતિ ખૂબ જ ગંભીર છે અને તેમને કોવિડ સેન્ટરમાં શિફ્ટ કરવામાં આવ્યા છે. એક અધિકારીના કહેવા પ્રમાણે તેઓ કુંભથી આવનારાઓ પર નજર રાખી રહ્યા છે કારણ કે જો તેમને સમયસર અલગ નહીં કરવામાં આવે તો તેઓ સુપર સ્પ્રેડર બનશે તેવી આશંકા છે.

હરિદ્વાર કુંભ દરમિયાન અનેક લોકો કોરોના સંક્રમિત થયા હતા. આ દરમિયાન અનેક સાધુ સંતોના મોત પણ થયા હતા. જેમ જેમ શ્રદ્ધાળુઓ કુંભથી પોતાના ઘરે પરત આવશે તેમ કોરોના સંક્રમણનું જોખમ વધતું જશે તેવો ડર છે. આ કારણે તમામ પ્રદેશની સરકારો એલર્ટ થઈ ગઈ છે અને હરિદ્વારથી આવનારા લોકોનો ટેસ્ટ કરવામાં આવી રહ્યો છે.

Leave a Reply

Your email address will not be published.